Elmir Tofiq oglu Namazov əslən Borçalıdan – Darvaz kəndindəndir. Hazırda Bakıda yaşayır. 1997-ci il may ayının 12-də Rusiyanın Yaroslavl şəhərində anadan olub. İdmanla məşğul olmağa 7 yaşından başlayıb, 2004-cü ildən taekvondo idman növü ilə məşğul 2005-ci ildə yeniyetmələr arasında taekvondo üzrə yarıslarda 3-cü yeri tutub, fəxri fərmana layiq görülüb.
Futbola böyük həvəsi olduğundan 2007-ci ildə “Olimpik” komandasında oynamağa başlayıb. “Sabahın ulduzları” çempionatında istirak edib. 2009-cu ildə “AZAL” PFK-ya transfer olub. 2011-ci ildə 1997-ci il təvəllüdlü idmançılar arasında futbol üzrə Bakə birinciliyində çempionu və həmin turnirin bombardiri olub. 2012-ci ildə “Qarabağ” FK-ya transfer olub. U15, U16, U17 və U19 cempionatlarında çıxış edib. U16 cempionatında 18, U17 cempionatında isə 19 qol vurub. 2013-cü ildə U19 liqasında 2-ci yeri tutub. 2013-cü ildə 16 yaşında “Qarabağ” FK-nın əvəzedici heyəti ilə professional müqavilə bağlamışdır. U13, U15, U19 yaş qruplarında Azərbaycan milli komandasına cəlb olunub.
Hal-hazırda “Qarabağ” FK-nın əvəzedici komandasında çıxış edir.
Gənc həmyerlimizə idman karyerasında daha böyük uğurlar arzu edirik. İnanırıq ki, o, yeni-yeni uğurları ilə yaxınlarını, doğmalarını sevindirəcək, Darvazın və darvazlıların qürur yerinə çevriləcək.
Elşad ÇOBANLI