Kənd sakinləri daha sonra Kvemo-Kartli quberniya rəhbərliyinə tələblərini bildirmək üçün Rustavi şəhərinə gediblər. Kvemo-Kartli bölgə qubernatorunun müavini Ramin İsmayılov 5 nəfəri qəbul edərək onların tələbi ilə tanış olub. R.İsmayılov aksiya iştirakçılarının tələb etdikləri 110 hektar torpaq sahəsi 2007-2009-cu illərdə hərrac vasitəsilə satıldığını bildirib: “Torpaqların qeyri-qanuni yolla kimlərə satılması prosesi araşdırılmalıdır. Bunun üçün sakinlər məhkəməyə müraciət etməlidir”.
Qubernator müavini onu da əlavə edib ki, yeni hakimiyyətin fəaliyyəti dövründə torpaq satışı ilə bağlı heç bir hərrac keçirilməyib: “Yaxın gələcəkdə Gürcüstan parlamenti torpağın icarəyə və satışa verilməsi üçün yeni qanun qəbul edəcək. Torpaqlar heç vaxt xarici vətəndaşlara satılmayacaq və torpaq ilk öncə onun ilk sahiblərinə veriləcək”.
