Prezident İlham Əliyev D.A.Həsənovun Azərbaycan Respublikasının Gürcüstanda fövqəladə və səlahiyyətli səfiri təyin edilməsi haqqında sərəncam imzalayıb.
Sərəncamda deyilir:
"Azərbaycan Respublikası Konstitusiyasının 109-cu maddəsinin 15-ci bəndini rəhbər tutaraq qərara alıram:
Dursun Ayvaz oğlu Həsənov Azərbaycan Respublikasının Gürcüstanda fövqəladə və səlahiyyətli səfiri təyin edilsin".
Azərbaycanın Gürcüstandakı səfirliyində çalışdığı dönəmdə səmərəli fəaliyyətini, əslən Borçalıdan olmasını, ərazini və xalqı yaxşı tanıdığını nəzərə alsaq Dursun müəllimin fövqəladə və səlahiyyətli səfir olaraq daha uğurlu fəaliyyət göstərəcəyinə, iki dövlət arasındakı mövcud qardaşlıq-dostluq əlaqələrini daha da inkişaf etdirəcəyinə, diplomatik əlaqələrimizi möhkəmləndirəcəyinə, soydaşlarımızın problemləri həlli yolunda əlindən gələni əsirgəməyəcəyinə inanırıq.
Hörmətli Dursun müəllim, Sizi Azərbaycan Respublikasının Gürcüstanda fövqəladə və səlahiyyətli səfiri təyin edilməyiniz münasibətilə ürəkdən təbrik edir, fəaliyyətinizdə yeni-yeni uğurlar arzulayırıq.
Elşad ÇOBANLI