Azərbaycan aşıq sənətinə ağır itki üz verib. Borçalı aşıq mühitinin görkəmli nümayəndələrindən olan ustad Aşıq Qərub Camal oğlu Məmmədov 2017-ci il iyunun 30-da 80 yaşında dünyasını dəyişib.
Aşıq Qərib Camal oğlu Məmmədov 1937-ci ildə Qərbi Azərbaycanın (indiki Ermənistanın) Ağbaba bölgəsinin Çaybasar (İlanlı) kəndində anadan olub. XX əsrin otuzuncu illərininin repressiyasının qurbanı olan atası Camal kişi ailəsini böyük çətinliklərlə Borçalının Məscidli Görarxı kəndinə pənah gətirib. Gənc yaşlarından aşıq sənətinə böyük maraq göstərən Qərib burada ustad aşıq Almaza şəyirdlik edib. Ötən əsrin altımışıncı illərindən artıq özü müstəqil şəkildə toy məclisləri və el şənliklərini idarə edib, dövlət tədbirlərində çıxışları olub. Onlarla şeirin və iki dastanın müəlifi olan Aşıq Qərib 50-yə yaxın dastan bilirdi.
Allah rəhmət eləsin!
MUSA NƏBİOĞLU
