Oktyabrın 23-də Bolnisi rayonunun Darvaz kəndinin orta məktəb şagirdləri paytaxt Tiflisdə yerləşən Mirzə Fətəli Axundov adına Azərbaycan Mədəniyyəti Muzeyini ziyarət ediblər.
Şagirdlər burada Azərbaycanın milli geyim nümunələri və xalq sənətinin müxtəlif sahələrinin – dulusçuluq, zərgərlik, xalçaçılıq, daş, ağac, sümük və dəri emalının nümunələri ilə tanış ola bilərsiniz. Azərbaycanın məşhur rəssam və bəstəkarlarının fotoşəkillərini və onlar haqqında qısa məlumatlarla tanış olublar.
Darvazlı məktəblilərə Mirzə Fətəli Axundzadənin həyat və yaradıcılığı haqqında da geniş məlumat verilib. Muzeyin ikinci mərtəbəsində yerləşən zalda Mirzə Fətəli Axundzadənin 1812-ci ilin iyunun 30-da Nuxa (indiki Şəki) şəhərində anadan olduğu evin maketi, ailə üzvlərinin fotoşəkilləri və onun əlyazmalarının surətləri ilə tanış ola biliblər.
Muzeydə şagirdlərə Azərbaycan və Gürcüstan heykəltəraşlarının qarşılıqlı dostluq münasibətlərini əks etdirən əsərlər, Tbilisi şəhərindəki Heydər Əliyev adına bağın, Mirzə Fətəli Axundzadənin adını daşıyan məktəb və kitabxananın, Bakı şəhərindəki Tbilisi prospektinin və “Dostluq abidəsi”nin fotoşəkilləri təqdim edilib.
www.DARVAZ.com