Gələn ildən etibarən əcnəbilər Gürcüstan ərazisinə daxil olanda onlar idarə etdikləri motorlu nəqliyyat vasitələrini sığortalamalıdırlar. Sığorta olmadan onlar Gürcüstan ərazisindən keçə bilməyəcəklər. Məlumata görə, bu barədə Gürcüstan parlamenti tərəfindən təsdiq edilmiş qanunda nəzərdə tutulub.
Xaricdə qeydiyyatdan keçən avtomobil sahibinə idarə etdiyi bir avtomobil üçün illik, bir ay və 15 günlük sığorta paketi təqdim olunacaq. Bunun üçün avtomobil sahibləri 30/50 və 292 lari ödəyəcəklər. Məcburi tarif paketində həmçinin avtobus və motosikletin sığortası da müəyyənləşdirilib.
Avtomobillərin sığorta edilməsi təşəbbüsü Dövlət Sığorta Nəzarəti Xidməti tərəfindən irəli sürülüb.
Məlumata görə, sığortasız hərəkət edən nəqliyyat vasitələrinin cərimələnməsindən alınan vəsaitlər ilk mərhələdə 15 sığorta şirkəti arasında bərabər bölünəcək.
Sığortasız hərəkət edən sərnişin avtomobili üçün cəza 100 avro, avtobus üçün 200 avro təşkil edəcək.
Bildirilib ki, Gürcüstan yaşıl xəritənin qlobal məkanına girməzdən əvvəl bu mərhələdən keçməlidir.
www.gaxa.ge
