Davosda keçirilən Dünya İqtisadi Forumu çərçivəsində Gürcüstanın Baş naziri Giorgi Kvirikaşvili Azərbaycan Prezidenti İlham Əliyevlə görüşüb. GAXA-nın Tiflis müxbirinin gürcü mətbuatına istinadən məlumatına görə, tərəflər uğurla həyata keçirilmiş ikitərəfli gündəliyin, strateji tərəfdaşlığın və uğurla həyata keçirilən birgə layihələrin mühüm məsələlərini müzakirə ediblər. Görüş çərçivəsində tərəflər arasında artıq başa çatmış Bakı-Tiflis-Qars dəmir yolu layihəsinin əhəmiyyəti vurğulanıb. Qeyd olunub ki, bu layihə region üçün böyük rol oynayır və yeni imkanlar yaradır.
Görüşdə enerji tranzitində mövcud əməkdaşlıq, ticarət-iqtisadi əlaqələrin dinamikası müzakirə olunub.
Tərəflər iki ölkə tərəfdaşlığının yeni bir imkan və bölgə üçün vacib olduğunu qeyd ediblər.
www.gaxa.ge
