İlin sonuna qədər Bolnisi və Qardabani rayonlarının kəndləri qazlaşdırılacaq.
Gürcüstanın baş naziri Giorgi Kvirikaşvili hökumət iclasında deyib ki, ölkənin müxtəlif rayonlarının kəndlərində yaşayan 17 517 ailə təbii qazla təmin olunacaq.
Baş nazirin sözlərinə görə, qazlaşdırılma işlərinə dövlət büdcəsindən 39,5 milyon lari ayrılacaq: “Qazlaşdırma ilə bağlı genişmiqyaslı layihələr 19 bələdiyyənin 80 kəndi və bir şəhərində həyata keçiriləcək”.
G. Kvirikaşvili bildirib ki, 2013-2017-ci illərdə 80 min ailə təbii qazla təmin olunub.
Qeyd edək ki, Gürcüstanın bölgə və kəndlərinin qazlaşdırılması ilə “SOCAR Georgia Gas” şirkəti məşğul olur.
cmedia.ge
