Gürcüstanda vətəndaşların kütləvi surətdə Avropa ölkələrinə axınının qarşısını almaq məqsədilə qanun layihəsi hazıranır. FaktXəbər bildirir ki, bu barədə "Qruziya Onlayn" saytı məlumat yayıb.
Qanun layihəsi Gürcüstan vətəndaşlarının vizasız şengen ölkələrinə səfərlərini azaltmaq üçün preventiv mexanizmin gücləndirilməsi məqsədi daşıyır.
Bu hallar aşkar olunarsa, vətəndaşların Avropa ölkələrinə səfər etməsinə imkan verilməyəcək: 10 illik biometrik pasportlar olmasa, 3 aylıq icazə verilməsə, qayıdış bileti alınmazsa və maliyyə təminatı ilə bağlı sığorta olmasa.
Qeyd edək ki, 2017-ci il martın 28-dən Gürcüstan vətəndaşları viza almadan Avropa Birliyi ölkələrinə səfər edə bilir.
