Batumidə yeni məscid yalnız Gürcüstan hökumətinin ayırdığı vəsait ilə inşa olunmalıdır. Bu barədə Acarıstan Ali Sovetinin dünən keçirilən fövqəladə sessiyasında məscidin inşası ilə bağlı Vahid Milli Hərəkat partiyasının üzvünün sualını cavablandıran Acarıstanın hökumət başçısı vəzifəsinə namizəd Tornike Rijvadze qeyd edib.
"Acarıstan çox mədəniyyətli və çox dini bir bölgədir. Bölgədə bütün iman və dinsevərlərin hüquqları və azadlıqları təmin edilməlidir. İctimai konsensus əsasında yaxın gələcəkdə məscidə ayrılacaq yerin detalları haqqında qərar verəcəyik. Ən başlıcası isə, məscid yalnız Gürcüstanın pulu ilə tikilməlidir", - Tornike Rijvadze bildirib.
www.gaxa.ge
