Gürcüstanın Təhsil, Elm, Mədəniyyət və İdman Nazirliyinin facebook səhifəsində verilən məlumata görə, Gürcüstanda məktəb rəhbərlərinin, müəllimlərin və işçilərin maaşları 2019-cu ildən etibarən artacaq. Gürcüstan Azərbaycanlılarının Xəbər Agentliyinin məlumatına görə, müəllimlərin maaşının artması 2019-2021-ci illərdə planlaşdırılır.
Nazirlikdən verilən məlumata görə, 2022-ci ilə qədər müəllimlərin orta aylıq əmək haqqı 1,8 min lari (təxminən 660 dollar) təşkil edəcək, ən yüksək səviyyəli müəllimlər isə 2 min lari (732 dollardan çox) və daha çox maaş alacaqlar.
Nazirlik həmçinin, şagirdlərin tənqidi və azad düşüncə inkişafına kömək olunacağını və məktəbi daha maraqlı və müasir hala gətirəcək təhsilin keyfiyyətini yaxşılaşdırmaq üçün "yenilik" etməyi planlaşdırdıqlarını bildirib. Bu yeni bir tədris planı, yenilənən məktəb kitabları və digər tədris resursları, dərs prosesinə fərqli bir yanaşma, daha çox analiz, texnologiya tətbiqi, məktəblərdə yenilik və sair bir çox sahəni əhatə edən yeni bir tədris modelinin tətbiqi olacaq.
Qeyd edək ki, təhsil nazirliyi təhsil sisteminin geniş miqyaslı islahatını həyata keçirir. İslahat ibtidai, məktəbəqədər təhsil; ümumi təhsil; peşə təhsili; ali təhsil; elm - beş sahə üzrə həyata keçiriləcək.
www.gaxa.ge
