Azərbaycan Dövlət Neft Şirkəti SOCAR 2007-2008-ci tədris ilindən etibarən Gürcüstan ali məktəblərində təhsil alan azərbaycanlı (Gürcüstan azərbaycanlıları) tələbələrin təhsil haqlarını ödəyir.
24news.ge xəbər verir ki, 2018-2019 tədris ilinin birinci yarısında SOCAR şirkəti tərəfindən tələbələrin təhsil haqlarının bir hissəsi ödənilməsinə baxmayaraq, hal-hazırda təhsil haqqının ödənişi dayandırılıb.
Təhsil haqqın ödənməməsi ali məktəblərdə təhsil alan tələbələrin narahatçılığına səbəb olub.
SOCAR neft şirkətinin Gürcüstan nümayəndəliyinin verdiyi məlumata görə, təhsil haqlarının ödənilməməsinin əsas səbəbi illik büdcənin yetərsizliyidir.
SOCAR-dan bilidirdilər ki, ödənişin gecikməsi ilə bağlı ali məktəblərin rəhbərliyinə hər il olduğu kimi bu il də məlumat verilib. Bu prosedur müəyyən vaxt çərçivəsində uzana bilər.
Lakin, konkret ödəniş ilin hansı hissəsində olacaq bu haqda heç bir məlumat yoxdur.