Gürcüstan parlamentində deputat Azər Süleymanov Axalkalakidə ucaldılmış erməni abidəsi Mixail avaqiyanla bağlı çıxış edib.
24News.ge xəbər verir ki, Tbilisidə Parlamentin 2019-cu il 9-cu çağırış yaz sessiyasının ilk iclasında Vahid Milli Hərəkat partiyasının deputatı Azər Süleymanov Mixal Avaqiyanın büstü ilə bağlı çıxış edib.
O, çıxışında yanvarın 20-si dünya Azərbaycanlılarının hüzün günü separatçıya Gürcüstan torpağında büstün qoyulmasını pisləyib və höküməti bununla bağlı ciddi addım atmağa çağırıb:
“20 Yanvar günü dünya azərbaycanlılarının hüzün günü nəyə görə Gürcüstan torpağında əli yalın insanlara qarşı vuruşan Xocalıda dinc insanları qətlə yetirən və Azərbaycan xalqının düşməni olan Mixail Avaqiyana büst qoyulub. Ən pisidə budur ki orada büstün açlışında Gürcüstan dövlətinin deputatları, bələdiyyə sədri, meri və Ermənistanın ölkəmizdəki səfiri iştirak ediblər. Bu xalq arasında böyük bir narahatçılıq və ajiotaj yaratdı. Cənab Kobaxidze mən sizdən bir cavab istəyirəm ki, sizin deputatlarınız orada iştirak edib və istəyirəm ki, siz buna qiymət verəsiz”. Deyə millək vəkili bildirib.
Deputat həmçinin çıxışı zamanı sözü gedən büstün sökülməsi tələbi ilə də çıxış edib:
“Cənab Kobaxidze bizim xahişimiz odur ki, Gürcüstanın imicinə yaxşı olmayan o, büst oradan götürülsün və bu kimi hallar Gürcüstanda bir daha təkrarlanmasın”.
Parlamentin sədri İrakli Kobaxidze isə çıxışında bildirib ki, biz istəmərik ki, ölkələrimiz arasında bu kimi hallar əlaqələrimizə dostluğumuza zərər gətirsin düşünürəm ki, biz bu məsələ ilə bağlı iki ölkə arasında müzakirələr aparacağıq və imkan verməyəcəyik ki, mövcud olan möhkəm əlaqələrimizə mənfi təsirlər etsin.