Belə ki, aksiya ilə bağlı Tbilisi Meriyasına verilən ərzəyə son anda qəbul olunmadığı cavabı gəlib. Beləliklə təşkilatçılar aksiyanın vaxtını fevralın 8-nə təşkil ediblər.
Bu qərar ictimaiyyətdə birmənalı qarşılanmayıb. Səhərdən başlayaraq aksiyanın ləğv edilməsinin səbəbi ilə bağlı müxtəlif iradlar səsləndirilir.
Bəzi iradlarda isə aksiyanın təşkilatçılarına təzyiqlər olunduğu və bu səbəbdən də vaxtın dəyişdirildiyi qeyd edilir.
Aksiya təşkilaçılarından Sevinc Hümbətova Facebook hesabı üzərindən məsələyə münasibət bildirib:
“Hazırda biz gənclərə heç bir yerdən təzyiq olunmur. Bu, mümkün ola bilməz. Biz də məsələnin bu qədər gecikməsini istəməzdik. Təəssüflər olsun ki, aksiya ilə bağlı işlərin həyata keçirilməsi uzadılır. Bu fəaliyyətə başlamışıqsa, sona qədər də davam edəcəyik. Biz Gürcüstan vətəndaşıyıq və etiraz etməyə hüquqlarımız var. Bildirmək istəyirik ki, bu gün yenidən Tbilisi Meriyasına məsələ ilə bağlı ərizə təqdim etdik. Qeyd etdilər ki, hüquqşunasımızla əlaqə saxlayıb, məlumat verəcəklər. Xüsusən vurğulamaq istəyirik ki, Meriyadan gələn cavabdan asılı olmayaraq fevralın 8-də aksiya təşkil ediləcək. Hamı gəlib öz etirazını bildirəcək. Mübarizəyə davam!”.
Gənclər Tbilisi Meriyasından ərzəyə cavab sənədini də paylaşaraq onlara qarşı təzyiq olunmadığını biradaha qeyd edib.