Bu gün Tbilisidə parlament binası qarşısında Dağlıq Qarabağda döyüşmüş Mixail Avaqyanın büstünün qoyulmasına etiraz olaraq aksiya keçirlib.

24News.ge xəbər verir ki, 1000 nəfərə yaxın ölkədə yaşayan azərbaycanlılar və gürcü ictimaiyyət nümayəndələri aksiyada işdirak ediblər.

Aksiya iştirakçıları ölkədə separatçı bir şəxsin büstünün qoyulmasını pisləyərək bu halın yol verilməz olduğunu deyiblər.

Aksiyada çıxış edənlər Gürcüstanın ərazi bütövlüyü uğrunda canından keçən azərbaycanlı ölkə vətəndaşlarına indiyə kimi heç bir küçə və ya abidənin olmadığını qeyd ediblər.
Oda bildirilib ki, Azərbaycanlılar tarix boyu Gürcüstan dövlətçiliyinə sadiq olublar.

Aksiyada Sevinc Hümbətova, Tapdıq Yolçuyev, Benyamin Qasımov, Əlibala Əsgərov, Əhməd İmamquliyev, Azər Süleyimanov, Simon Kopadze, Quram Marxuliya, və Tengiz Txelava, eləcədə digər şəxslər çıxış edərək, Azərbaycan və Gürcüstan dostluğundan danışıb və bu cür halların iki ölkə arasında təxribat yaratmaq məqsədi daşıdığını bildiriblər.Mixail Avaqyana qoyulan büst Gürcüstanda qeyri-sabitlik yaratmağa yönələn bir addımın olduğu bildirilib və həmin büst mütləq götürülməlidir deyə şuarlar səslənib.

Onlar Gürcüstan hökumətini büstün götürülməsinə göstəriş verməyə çağırıblar.
Təşkilatçılar aksiyanın sonunda bildiriblər ki, Mixail Avaqyanın büstü götürülməyənə qədər etiraz aksiyaları davam etdiriləcək.

Qeyd edək ki, bir neçə gün bundan qabaq Axalkalaki rayonunun Buğaşen kəndində erməni terrorçu Mixal Avakyanın abidəsinin açılışı olub. Abidənin qoyulması etirazlara səbəb olub.