Sumqayıt şəhərində yaşayan Darvazlı Muxtarov Ziyadxanın nəvəsi Muxtarov Ziyad Roman oğlu bu il Sumqayıt şəhərindəki 11 saylı orta məktəbi əla qiymətlərlə - fərqlənmə attestatı ilə bitirib. İngilis dili üzrə İELTS proqramı üzrə sınaqlarda yüksək nəticə əldə edən gənc həmyerlimiz ali məktəbə qəbul imtahanlarında 603 bal toplayaraq ilk böyük uğuruna imza atıb. Arzusu Azərbaycan Diplomatiya Akademiyasında Beynəlxalq iqtisadiyyat ixtisasına yiyələnməkdir. Darvaz.com saytının redaksiya heyəti adından Ziyad Muxtarovu təbrik edir, ona daha böyük uğurlar arzulayırıq. İnanırıq ki, uğurlu başlanğıcı onun üçün düşərli olacaq, doğmalarını və el-obasını bundan sonra da əldə etdiyi nailiyyətlərlə sevindirəcək. Yolun açıq olsun, Ziyad Muxtarov!