Tofiq Oruc oğlu Məmmədov 1948-ci ildə Bolnisi rayonunun Darvaz kəndində qulluqçu ailəsində anadan olmuşdur. 1965-ci ildə Darvaz kənd orta məktəbini bitirdikdən sonra ADU-nun biologiya fakültəsinə daxil olmuşdur. 1970-ci ildə universiteti bitirdikdən sonra Azərbaycan SSR EA-nın Genetika və seleksiya İnsitutunda baş laborant kimi əmək fəaliyyətinə başlamışdır. Həmin ilin dekabr ayında ADU-nun biologiya fakültəsinin zəmanəti ilə EA-nın Zoologiya İnstitutunda Heyvanlarm genetikası laboratoriyasına istehsalatdan ayrılmaqla aspiranturaya daxil olmuşdur.

Sergey Xıdırnəbi oğlu Əhmədov 1941-ci ildə Borçalı mahalının Bolus nümayəndəliyinin (indiki Bolnisi rayonu) Darvaz kəndində anadan olmuşdur. Orta təhsilini Bolnisi şəhərindəki rus orta məktəbində almışdır. 1957-ci ildə A.S. Puşkin adına Tbilisi Dövlət Pedaqoji İnstitutunun rus filologiyası fakültəsinə daxil olmuşdur. 1961-1965-ci illərdə əvvəlcə Bolnisi rayonunun Kəpənəkçi kəndində, sonra isə rayon mərkəzindəki rus orta məktəbində müəllim işləmişdir.

İbrahim İsmayıl oğlu Güləhmədzadə 1942-ci ildə Bolnisi rayonunun Darvaz kəndində anadan olmuşdur. 1949-cu ildə Darvaz orta məktəbinə getmiş, 1959-cu ildə həmin məktəbi bitirmişdir. 1959-cu ildə Azərbaycan Neft Kimya İnstitutuna daxil olmuş, 1964-cü ildə həmin institutu fərqlənmə diplomu ilə bitirmişdir. 1965-ci ildə Azərbaycan Dövlət Plan Komitəsinin nəzdindəki ETİİ-də kiçik elmi işçi, 1966-cı ildən isə böyük iqtisadçı vəzifəsində çalışmışdır.

Fərman İbrahim oğlu Gülməm­mədov 1939-cu ildə Lük­semburq (indiki Bolnisi) rayonunun Darvaz kəndində anadan olub. 1958-ci ildə orta məktəbi və 1964-cü ildə Uk­raynanın Donetsk şəhərində Tibb İnstitutunu bitirib.

1971-ci ildə namizədlik və 1984-cü ildə doktorluq disser­tasiyasını müdafiə edib.

Əli Vəli oğlu Hacıyev 1949-cu ildə Bolnisi rayonunun Darvaz kəndində ziyalı ailəsində anadan olmuşdur. 1966-cı ildə Darvaz orta məktəbini əla qiymətlərlə bitirmişdir. Həmin ildə Bakıda qəbul imtahanlarını müvəffəqiyyətlə verib Azərbaycan Xalq Təsərrüfatı İnstitutuna daxil olmuşdur. Ali məktəbi bitirdikdən sonra aspiranturaya daxil olmuş, 1976-cı ildə namizədlik dissertasiyası müdafiə edib iqtisad elmləri namizədi elmi dərəcəsi almışdır.

"Palmali" şirkətlər qrupunun Borçalı adı verdiyi tanker

Zakir Məhəmməd oğlu Nəbizadə 1949-cu ildə Bolnisi rayonunun Darvaz kəndində anadan olub. 1966-cı ildə kənd orta məktəbini və 1972-ci ildə N.Nərimanov adına Azərbaycan Dövlət Tibb İnstitutunun (indiki Tibb Universiteti) müalicə-pro­­filaktika fakültəsini bitirib. 1972-1974-cü illərdə ordu sıra­la­rında həkim kimi xidmət edib. 1974-1977-ci illərdə Tetri­skaro (Ağbulaq) rayon Mərkəzi xəstəxanasında cərrah, 1977-1978-ci illərdə Xarkov şəhə­rindəki Cərrahiyə İnstitutunda cərrah-ordinator kimi fəaliyyət göstərib. 1978-1982-ci illərdə Bolnisi rayon Mərkəzi xəstəxanasında cərrah-travmatoloq işləyib. 1983-1985-ci illərdə travmatologiya-ortopediya üzrə kliniki ordinaturanı bitirib. Ordinaturanı bitirdikdən sonra yenidən fəaliyyətini Bolnisi rayon Mərkəzi xəstəxanasında davam etdirib.

Məşkür Məhəmməd oğlu Nəbizadə 1936-cı ildə Lük­sem­burq (indiki Bolnisi) rayonunun Darvaz kəndində anadan olub. 1954-cü ildə kənd orta məktəbini bitirərək N. Nərimanov adına Azər­baycan Dövlət Tibb İnstitutuna (indiki Tibb Universiteti) daxil olub.

 Səməd Nəbi oğlu Çobanov 1946-cı ildə dekabrın 12-də Bol­ni­si rayonu­nun Darvaz kən­din­də ana­dan olub. 1963-cü ildə kənd orta mək­tə­bini medalla və 1969-cu ildə N.Nə­rimanov adına Azər­baycan Döv­lət Tibb İnstitutunun (indiki Tibb Uni­ver­siteti) müalicə-profi­lak­tika fa­kül­təsini bitirib.

ALQAYIT

 Şirin sözü, söhbəti ilə minlərlə könüldə özünə yuva quran Alqayıt 2000-ci ilin avqust ayında Borçalının ağır ellərindən biri olan Darvaz kəndində Fərhad Muxtarovun qonağı olmuş və meşələr qoynunda yerləşən bu kəndin gözəlliyindən, adamların mehribanlığından və qonaqpərvərliyindən vəcdə gələrək bu şeri yazmışdır.